1. Լրացրու բաց թողած տառերը և կետադրիր։
2. Մեկնաբանիր կետադրությունդ։
3. Որոշիր, թե բարձրաքանդակ, բանաստեղծական, մտնեիբառերը քանի բաց և քանի փակ վանկ ունեն։
4. Որոշիր, թե երեք, արևոտ, ողորմելի, նստած բառերը քանի տառ և քանի հնչյուն ունեն։
5. Տեքստից գտիր մեկական ու, ի, ը ձայնավորների և յա երկհնչյունի հնչյունափոխությամբ բառ։
6. Տեքստից գտիր անհարթ, խժռել, որմնասյուն, տաղանդ, մտածել բառերի հոմանիշները։
7. Գտիր մեկական ա և ո ներքին հոլովումների ենթարկվող բառ։
8. Տեքստից գտիր կապերը։
9. Ի՞նչ խոսքի մաս են հանկարծ, արդեն, այլևս բառերը։ Նշիր նաև տեսակը։
10. Դուրս գրիր բաղադրյալ ստորոգյալները։

Տեքստ

1.2
Երեք հարյուր հիսունվեց թվականին` գարնանային արևոտ մի օր, Եփեսոսի խորդուբորդ փողոցներում` հանկարծ լսվեցին սրտապատառ բացականչություններ.

— Օգնեցե~ք, ժողովո’ւրդ, Արտեմիսի տաճարն այրվում է։

Իրոք, կրակն արդեն լափել էր բարձրաքանդակ մույթերը, ժանեկազարդ խոյակները, մարդկային քանքարի ստեղծած հրաշալիքը փրկել այլևս անհնար էր։

Այդ ժամանակ Եփեսոսում ապրում էր անօրեն ու ողորմելի մի մարդուկ` Հերոստրատ անունով։ Սա ոչ մի լուրջ գործով չէր զբաղվում, վատնում էր հորից մնացած ունեցվածքը և ամբողջ օրը նստած` անգործությունից `հորանջում ու ձանձրանում էր։ Նա, սակայն, փառատենչ էր ու սնապարծ: <<Բնությունն ինձ չի շնորհել ո’չ փիլիսոփայական խորաթափանցություն, ո’չ բանաստեղծական քանքար, ո’չ զորավարի ձիրք, որոնցով մտնեի պատմության մեջ։ Իսկ ես անմահություն եմ տենչում, ուզում եմ մնալ պատմության էջերում և սերունդների շուրթերին>> — խորհում էր այդ սինլքորը։

 
3.
բարձրաքանդակ- բար- ձրա-քան-դակ- 3փակ, 1բաց
բանաստեղծական— բա-նա-ստեղ-ծա-կան- 3բաց, 2փակ
մտնեի -մըտ-նե-ի- 2 փակ, 1 բաց

4.

երեք- 4տառ, 5 հնչյուն

արևոտ-5 տառ, 6 հնչյուն

ողորմելի- 8 տառ,  9 հնչյուն

նստած- 5 տատ, 6 հնչյուն

5. ժանյակ- ժանեկ-յա

Գարուն- գարնանային- ու

Սրտապատառ- սիրտ- ի

Հայր-հորից-ա

Թե աշխարհում փակ դռներ կան,
թող որ բացվեն այս գիշեր,
Ու Նոր տարին նոր խնդությամբ
թող ներս մտնի այս գիշեր,
Թե կան դատարկ, համր տներ`
մանկան ճիչով թող լցվեն,
Ով փնտրում է համր մեկին`
հանկարծ գտնի այս գիշեր:
Թե կան լացող, տխուր աչքեր,
թող ծիծաղեն այս գիշեր,
Կանչող ձեռքերն իրար հասնեն,
հրաշք ապրեն այս գիշեր:
Թե կան սրտեր` չար նախանձով,
դառնան բարի ու ներող,
Եվ ուրիշի ուրախ կյանքով
խանդավառվեն այս գիշեր:
Թե մոլորված անցորդներ կան,
դարձի թող գան այս գիշեր,
Սրբագործված սիրով մտնեն
իրենց օջախն այս գիշեր,
Թե կան բախտի փշոտ ճամփեք,
թող ծաղկունքով կանաչեն
Ու երջանիկ սպասումով
բոլորն արբեն այս գիշեր…
Թե աշխարհում պանդուխտներ կան,
թող տուն դառնան այս գիշեր,
Հայրենական հավերժությամբ
ողջագուրվեն այս գիշեր:

. Ստեղծագործությունից դու՛րս գրիր ածականները և նշիր դրանց տեսակը (որակական, հարաբերական)

որակական-Նոր, երջանիկ

հարաբերական-փակ, դատարկ, համր, լացող, տխուր, չար, բարի, ներող, ուրախ, մոլորված, սրբագործված, փշոտ, հայրենական

. Կապակցության իմաստն արտահայտի՛ր մեկ ածական
անվամբ.
ա.                                                                         բ.
1. ճահիճներով պատված-ճահճապատ        1. նոր տնկած-նորատունկ
2. մանրէներ ծնող-մանրէածին                     2. նվեր տվող-նվիրատու
3. մորը սիրող-մայրասեր                                3. նուրբ հնչող-նրբահունչ
4. մարդկանց ատող-մարդատյաց                4. շահույթ բերող-շահույթաբեր
5. մաքուր գրած-մաքրագիր                           5. շեկ վարսերով-շիկահեր
6. միայնակ կյանք վարող-մենակյաց          6. շատ շնորհներ ունեցող-շնորհալի
7. մեգով պատված-միգապատ                      7. ինչքից զուրկ-ընչազուրկ

Որևէ ձայնավորի և յ կիսաձայնի արտասանական զուգակցումը կոչվում է
երկհնչյուն։ Ժամանակակից արևելահայերենի երկհնչյուններն են՝
այ — լայն, վայր յա — դայակ, եղյամ
ույ — նույն, լույս յու — սյուն, նյութ
էյ (եյ) — թեյ, սեյսմիկ յէ (յե) — երազ, հայելի
օյ (ոյ) — խոյ, Նոյ յօ (յո) — արդյոք, յոթ
յի — տղայի, խաղայի յը — հայը, բայը։

Առաջադրանք

1. Դո՛ւրս գրել այն բառերն ու բառաձևերը, որոնցում երկհնչյուն
կա, և ընդգծե՛լ երկհնչյունը:

Գարունդ հայերեն է գալիս,
Ձյուներդ հայերեն են լալիս….

Լույսը յոթ անգամ չեմուչում արեց,
Յոթ թռչուն պոկվեց յոթ բարդու ճյուղից…

Հայաստան ասելիս այտերս այրվում են,
Հայաստան ասելիս ծնկներս ծալվում են,
Չգիտեմ՝ ինչո՞ւ է այդպես։

Ծանր նստել է քարափը ձորում,
Հյուրընկալ տերը մանկության ձորի։

Ամպե՛ր, արծիվնե՛ր, կաքավնե՛ր համեստ
Եվ թափառական ուլե՛ր քարայծի,
Մի՛ չարաշահեք բարությունը մեծ
Ու համբերությունն այս մեծ քարափի։
Թողե՛ք՝ նա մի քիչ ինքն իր հետ մնա,
Իր ներսը նայի, և ով իմանա,
Գուցե թե սրտից մի աղբյուր հանի
Կամ թե այնպիսի մի հարստություն,
Որ ուրիշ քարափ աշխարհում չունի։

Դուրս գրված բառեր- հայերեն, ձյուներդ, լույս, ճյուղից, Հայաստան, այտերս, այրվում են, այդպես, հյուրընկալ, մանկության, քարայծի, բարությունը, համբերությունն, նայի, աղբյուր, հարստություն, յոթ, այս

2.Արտագրե՛լ՝ լրացնելով երկհնչյունները։
Առավոտյան, ծովեզրյա, այծյամ, արդյոք, մատյան, առյուծ, բազմամյա, ստորոգյալ, լուսնյակ, կորյուն, եղյամ, սայթաքել, կայսր, եռամսյակ, լռակյաց, գործունյա, դղյակ, ծննդյան, կղզյակ, մշակույթ, անասնաբույժ, մեղվաբույծ,համբյուր, եղջյուր, թեյաման, սառուցյալ, նյութ, ձյութ, կույտ, շաբաթօրյակ, Հյուսն։

3.Դո՛ւրս գրել այն բառերը, որոնցում մեկից ավելիերկհնչյուն կա։
Արտաժամյա, պայթյուն, հայություն, օտարերկրյա, գյուղական, միջանկյալ,մայրություն, այժմյան, մագաղաթյա, ներքոհիշյալ, կայունություն, արքայորդի,հարյուրամյա, լայնություն, հարաբերյալ, վայրագություն, գրաբարյան, մետաքսյա,յուրային։

Դուրս գրված բառեր` պայթյուն, հայություն, մայրություն, այժմյա, կայունություն, հարյուրամյա, լայնություն, վայրագություն, յուրային:

4. Որոշե՛լ տրված բառերից յուրաքանչյուրի ձայնավորներիու բաղաձայնների քանակը։
Ակունք- 2 ձայնավոր, 3 բաղաձայն
բարձունք- 2 ձայնավոր, 5 բաղաձայն 
խճանկար- 4 ձայնավոր, 5 բաղաձայն  
անդունդ- 2 ձայնավոր, 4 բաղաձայն  
հրաժեշտ- 2 ձայնավոր, 6 բաղաձայն 
պայթյուն- 2 ձայնավոր, 5 բաղաձայն  
դաստիարակ- 4 ձայնավոր, 5 բաղաձայն  
մանրէ- 2 ձայնավոր, 3 բաղաձայն  
սրբատաշ- 3 ձայնավոր, 6 բաղաձայն  
հյուլե- 1 ձայնավոր, 4 բաղաձայն
անընդհատ- 3 ձայնավոր, 5 բաղաձայն 
սրընթաց- 3 ձայնավոր, 5 բաղաձայն
մերթընդմերթ- 1 ձայնավոր, 10 բաղաձայն 
մտավոր- 2 ձայնավոր, 5 բաղաձայն
դազգահ- 2 ձայնավոր, 4 բաղաձայն 

5.  Արտագրե՛լ՝ ըստ անհրաժեշտության լրացնելով յա, իա, եա։
Հեքիաթ, ակացիա, բամիա, այծյամ, էներգիա, Անդրեաս, եղյամ,էքսկուրսիա, խավիար, կղզյակ, Սուքիաս, կրիա, միլիարդ, վայրկյան, Բենիամին,մումիա, Սիսիան, փասիան, միմիանց, Արաքսիա, դաստիարակ, լյարդ, քիմիա,օվկիանոս, անցյալ, Ազարիա, Անանիա, Եղիա, Եղիազար, Երեմիա, հեծյալ,Զաքարիա, Մարիամ, Ամալիա, Օֆելյա։

6.  Արտագրե՛լ՝ ըստ անհրաժեշտության լրացնելով յո, իո, եո։
Ամբիոն, աքսիոմ, բրաբիոն, լեգիոն, հետիստն, արդյոք, մարմարիոն,թեորեմ, մեդալյոն, միլիոն, ակորդեոն, չեմպիոն, պանսիոնատ, Սրապիոն,տրիլիոն, օրիորդ ավիացիոն, ինդուկցիոն, ամեոբա, քամելեոն։

7. Արտագրե՛լ՝ ըստ անհրաժեշտության գրելով յ տառը։
Կայուն, հայելի, Միքաել, զրոյական, է.ություն, նայել, վայելել, գայիսոն, էակ, ատամնաբույժ, Ռաֆաել, միայն, պոեմ, պոետ,միասին, հիանալ, թեյել, խնայել, հիանալ, որդիական

 Գտի՛ր դերանունները և որոշիր՛ր դրանց թիվն ու դեմքը

Ես եմ, դու ես, ես ու դու
Գիշերում այս դյութական,
Մենք մենակ ենք` ես ու դու,
Ես էլ դու եմ, ես չկամ:

ես-առաջին դեմք-եզակի թիվ

դու-երկրորդ դեմք-եզակի թիվ

մենք-առաջին դեմք- հոգնակի թիվ

. Ընդգծի՛ր անձնական երեք դերանուն

ա. մյուս, ես, ինքը, սրանք, դուք, դա
բ. ինքը, նույն, այս, դու, դրանք, մենք
գ. մեզնից, ամենքը, նրանք, ոչ ոք, ձեր, ոմանք

. Ընդգծի՛ր ցուցական երեք դերանուն

ա. այս, ում, նույնքան, ձեզ, սույն, որևէ
բ. իրենց, այդպիսի, քեզ, մեկը, միևնույն, նա
գ. նույնպես, այսինչ, ամեն մեկը, այդ, սրանք, ինչպես

1. Լրացրու տեքստում բաց թողած տառերը։

Համերգը մոտենում էր վախճանին, իսկ Փափազյանը շարունակում էր սառնասիրտ ու ամբարտավան ոճով՝ կարծես արհամարհելով հանդիսականներին։ Հայտարարվեց վերջին համարը՝ մենախոսություն «Մագբեթ» ողբերգությունից։ Երկու խոսք էլ չէր ասել, և մեկ էլ ամբողջ դահլիճը լարվեց ու շունչը պահած ակնապիճ նայում էր դերասանին։ Նրա մի այտը քարացավ, իսկ մյուսը ջղային ցնցվում էր։ Մկանները ջղագրգիռ դողում էին, իսկ աչքը կարծես ծռվել էր և ահա, ուր որ է, դուրս պիտի պոռթկար ակնակապիճից։ Տանջալլուկ մի ոճրագործ էր մեր աչքի առաջ։
Երկու մարդ կռվում էին Փափազյանի մեջ, ու հաղթեց անօրեն ոճրագործը։ Երբ նա բարձրացրեց աջ ձեռքը՝ երևակայական դաշ-նը բռնած,՝ մարդիկ տեսան այդ դաշույնը։ Այո՛, տեսան։ Ու թեև գիտեի՝ նրա ձեռքիքն ոչինչ չկար, ոչ ոք ինձ չէր կարող համոզել, թե նրա ձեռքին այդ պահին լույսի տակ փայլող դաշույն չտեսա։ 

2. Դուրս գրիր քեզ առաջին անգամ հանդիպած բառերը, գտիր դրանց բացատրությունները։
ջղագրգիռ- ջղեր գրգռող, նյարդայնացնող
ակնակապիճ- ակնաբուն, ակնախոռոչ
ոճրագործ- հանցագործ, ոճիր կատարող մարդ

 3. Վանկատիր և գրիր, թե քանի բաց և քանի փակ վանկ ունեն  հանդիսական, հայտարարվեց, մենախոսություն, երևակայական  բառերը։
հան-դի-սա-կան ( 2 փակ, 2 բաց վանկ)
հայ- տա- րար-վեց (3 փակ, 1 բաց վանկ)
մե-նա-խո-սու-թյուն (2 բաց, 3 փակ վանկ)
ե-րե-վա -կա-յա-կան (3 բաց, 3 փակ վանկ)

4. Տեքստում գտիր ավարտ, բառ, թուշ, շեղվել, հանցագործ բառերի հոմանիշները։
ավարտ – վախճան
բառ – խոսք
թուշ – այտ
շեղվել – ծռվել
հանցագործ – ոճրագործ

1. Բնութագրի՛ր Ավ. Իսահակյանի «Ամենապիտանի բանը» հեքիաթի թագավորին:
Թագավորը շատ իմաստուն էր և ծեր։

2. Լույսն է ամենապիտանի բանն աշխարհի: Համամի՞տ ես արդյոք թագավորի կրտսեր որդու հետ: Ինչո՞ւ:
Իմկարծիքով աշխարհի վրա չկա մի բան, ար ամենապիտանին լինի աշխարհում։

3. Թվարկի՛ր հեքիաթի հերոսներին:
Թագավոր
Ավագ որդի
Միջնեկ որդի
Կրտսեր որդի

4. Տրված արտահայտություններից յուրաքանչյուրով երկու նախադասություն կազմի՛ր` դրանք գործածելով՝
ա) ուղիղ իմաստով
բ) որպես դարձվածք

Դարձվածքներ՝ գլուխ տալ, աչքը մտնել, ձեռք ձեռքի տալ։

Գլուխ տալ
Ուղիղ իմաստով
— Տվե՛ք ինձ նրա գլուխը, — ասաց զորքի պետը, որն արդեն կատաղել էր
Որպես դարձվածք
Պալատականը թագավորին գլուխ տվեց։

Աչքը մտնել
Ուղիղ իմաստով
Ճանճը աղջկա աչքը մտավ։
Որպես դարձվածք
— Ինչո՞ւ ես աչքս մտնում։

Ձեռք ձեռքի տալ
Ուղիղ իմաստով
Ես և մի տղա իրար ձեռք ձեռքի տվեցինք։
Որպես դարձվածք
Նրանք իրար ձեռք ձեռքի տվեցին։

Գրաբարի ընթերցարանից առանձնացրո՛ւ երրորդ և չորրորդ ասույթները, փոխադրի՛ր աշխարհաբարի և կատարի՛ր առաջադրանքները։

Գ) Ճանաչել զիմաստութիւն եւ զխրատ, իմանալ զբանս հանճարոյ:

Կարդա այսպես.
զիմաստութիւն — զիմաստություն
զխրատ — ըզխրատ
զբանս — ըզբանըս
հանճարոյ — հանճարո

Բառարան՝
զիմաստութիւն — իմաստությունը
զխրատ — խրատը
բան — խոսք
զբանս — խոսքերը

Հարց և առաջադրանք՝

1. Նկատեցի՞ր` ինչպես է կարդացվում զ մասնիկը (նախդիրը) բաղաձայնից առաջ:
Զ մասնիկը նախդիրից առաջ կարդացվում է ըզ։

2. Նախադասությունը գրավոր փոխադրիր:
Ճանաչել իմաստությունը և խրատը, իմանալ հանճարի խոսքերը։

Դ) Մի՛տայք զսրբութիւն շանց. եւ մի՛ արկանէք զմարգարիտս ձեր առաջի խոզաց:

Կարդա այսպես.
զսրբութիւն — ըզսրբություն
զմարգարիտս — ըզմարգարիտս

Բառարան՝
մի՛ տայք — մի՛ տաք
շանց — շներին
մի՛ արկանեք — մի՛ գցեք
զմարգարիտս ձեր — ձեր մարգարիտները
առաջի խոզաց — խոզերի առաջ

Առաջադրանքներ՝

1. Աշխարհաբար գրի՛ր ասույթը:
Մի՛ տվեք սրբությունը շներին․ և մի՛ գցեք ձեր մարգարիտները խոզերի առաջ։

2. Համեմատի՛ր Ա և Բ շարքի բառակապակցություններն ու հետևությո՛ւն արա.

Ա.
մանուկ աղքատ եւ իմաստուն
թագաւոր ծեր և անմիտ
զբանս հանճարոյ
զմարգարիտս ձեր
առաջի խոզաց

Բ.
աղքատ և իմաստուն մանուկ
ծեր և անմիտ թագավոր
հանճարի խոսքերը
ձեր մարգարիտները
խոզերի առաջ

Եզրակացություն։ Գրաբար հայերենում ածականը դրվել է գոյականից հետո

Կետերը փոխարինի՛ր փակագծում տրված այնպիսի հոմանիշով, որ տեքստի ոճն ավելի վերամբարձ դառնա: 

Հին Բաբելոնի հարստությունն ու պերճությունը դեպի իրենց էին հրապուրում (ձգում, հրապուրում, քաշում) ճամփորդներին: Նրանք գալիս էին իրենց աչքերով տեսնելու քաղաքի զարմանահրաշ (զարմանալի, զարմանահրաշ, սքանչելի, հիանալի) պարիսպները, որոնց վրայով մի քանի կառք կարող էր կողք-կողքի ընթանալ: Սակայն ճամփորդներին ամենից ավելի գրավում (գրավում, դյութում, ձգում, հրապուրում) էր Նաբուգոդոնոսոր թագավորի չքնաղ (հիասքանչ, չքնաղ, հրաշազեղ, չքնաղագեղ) պալատը: Պալատի կողքին վեր էր խոյանում (բարձրանում էր, վեր էր խոյանում) ապշեցուցիչ մի կառուցվածք (կառույց, կառուցվածք, կերտվսւծք, շինվածք)՝ կախովի այգիները: Թագավորը դրանք գոյության էր կոչել (ստեղծել էր, շինել էր, գոյության էր կոչել) իր սիրելի կնոջ համար: Թագուհին մեդացի էր՝ իր հայրենիքի կանաչ (կանաչ, զմրուխտ, անտառոտ) լեռներին ու անտառներին սովոր: Տոթակեզ (շոգ, տոթ, տոթակեզ) ու անտառազուրկ Բաբելոնում կարոտում Էր Մեդիայի լեռնային անտառների քամուն (զեփյուռին, հովին, քամուն) ու ստվերին: Կնոջ թախիծը (տխրությունը, թախիծը, վիշտը) նվազեցնելու (պակասեցնելու, նվազեցնելու, փարատելու) համար Նաբուգոդոնոսորը որոշեց նրան կարծես լեռներից բերված ամբողջ մի օազիս պարգևել (պարգևել, ընծայել, նվիրել): Եվ կամարակապ չորս հարկերից բաղկացած լայն աշտարակի վրա ստեղծվեցին աշխարհահռչակ (հայտնի, աշխարհահռչակ, ծանոթ) կախովի պարտեզները: Հասարակ մահկանացուների (մահկանացուների, հողածինների, մարդկանց) համար պարտեզներն անմատչելի էին. չէ՞որ դրանք թագավորական (թագավորական, արքայական) պալատի բարձր պարիսպների ետևում էին, իսկ մուտքը պահպանում էր սարսափազդու (ահարկու, սարսափելի, ահավոր, սարսափազդու) պահակախումբը: Այդպիսի պարտեզներ ամբողջ աշխարհում ոչ մի տեղ չեն եղել, դրանք հրաշալի (շատ լավ, հիանալի, հրաշալի) էին մտածված և հեքիաթային գեղեցություն (սիրունություն, գեղեցկություն) ունեին, իզուր չէ, որ աշխարհի յոթ հրաշալիքների շարքում էին:

ԱՌԱՋԱԴՐԱՆՔ 1. Լրացնել բաց թողած տառերը և երկհնչյունները.  

Ուղևոր, խորազնին, տարորոշել, ընդիմանալ, ապուխտ, անզուգական, միջօրե, միլիարդ, հանրօգուտ, վերելք:  

ԱՌԱՋԱԴՐԱՆՔ 2. Վերականգնել տրված բառերի անհնչյունափոխ արմատները․ (օրինակ՝ լուսաբաց-լույս). 

հանգուցավոր- հանգույց
հորեղբայր—հայր
երեսնամյա—- երեսուն
ատենակալ—  ատյան
իշուկ—- էշ
ուղղաձիգ—- ուղիղ
 հրապուրիչ— հրապույր
 հուզառատ—- հույզ
 գինեվետ—- գինի
 ածխահատ— ածուխ 

 ԱՌԱՋԱԴՐԱՆՔ 3. Տրված բառերն ըստ անհրաժեշտության գրել միասին, անջատ կամ գծիկով.

 Մերձ (քաղաքային) —- մերձքաղաքային
 տարե (վերջ)         —- տարեվերջ
 լեփ (լեցուն)          —լեփ-լեցուն
 հարավ (արևմտյան)  —- հարավարևմտյան
 հարյուր (քսանչորս)    —- հարյուր քսանչորս
 տեսակ (տեսակ)         —- տեսակ-տեսակ
 հայերեն (ֆրանսերեն) —— հայերեն-ֆրանսերեն
 ի (զեն)                ——- իզեն
 ծովից (ծով)        —— ծովից ծով
 ըստ (ամենայնի)  —— ըստ ամենայնի 

 ԱՌԱՋԱԴՐԱՆՔ 4. Կետադրել.  

Անդնդախոր կիրճում լսվում է Դեբեդի շառաչյունը` միօրինակ ու թախծալի: Գետի ափին ուղղաձիգ բարձրանում են պղնձագույն ժայռերը` լերկ, սրածայր գագաթներով: Երբ հայացքդ գցում ես այդ քարաժայռերին, անսովոր սարսուռ ես զգում: Թվում է, թե ուր որ է կփլվեն դրանք և ահավոր բարձունքից կթափվեն ձորը` իրենց փլատակների տակ ծածկելով ամեն ինչ: Խիտ, անանցանելի ու խավարչտին անտառներ կան այնտեղ: Ամեն քայլափոխում հանդիպում են երկու լայնատերև թխկիներ, երկարակյաց ընկուզենիներ, որոնց սաղարթները մեղմորեն օրորվում են քամուց` անտառը լցնելով հուժկու շառաչյունով:  

Առաջադրանք 5․Յուրաքանչյուր շարքում գտնե՛լ ածանցավոր բայը։
1. որոնել, թոշնել, տոնել, իջնել
2. զբոսնել, հայտնել, տեսնել, ձոնել
3. օթևանել, հորինել, հիմնել, ելնել
4. հասնել, մթնել, մեկնել, դեղնել
5. զանազանել, խթանել, անվանել, հագնել
6. ճանաչել, զեղչել, փախչել, կանչել
7. թռչել, շնչել, գոչել, հնչել
8. կոչել, կորչել, շառաչել, կանաչել
9. եզրապատել, կոտրատել, ընդհատել, վանկատել
10.կարոտել, կավճոտել, ցատկոտել, փոշոտել

Փակագծում դրված բաոերը գրի՛ր համապա­տասխան ձևով։
 Օրինակ՝ Դեպքի վայրում հավաքված ամբոխն (աղմկել): — Դեպքի վայրում հավաքված ամբոխն աղմկում էր: 

Կռունկների երամը (թռչել): — Կռունկների երամը թռչում է։ 
Զորքը (տեղավորվել) դաշտում: — Զորքը տեղավորվեց դաշտում։ 
Ժողովուրդը (լսել) հռետորին: — Ժողովուրդը լսում է հռետորին։ 
Հրապարակում հավաքված բազմությունը ինչ-որ բանի (սպասել): — Հրապարակում հավաքված բազմությունը ինչ-որ բանի էր սպասում։ 
Ավագանին (ողջունել) օտարականին: — Ավագանին ողջունեց օտարականին։
 Հոտն (իջնել) սարից: — Հոտն իջավ սարից։ 
Ժողովուրդը գոհ (լինել) այդ որոշումից: — Ժողովուրդը գոհ է այդ որոշումից։